擇日

上星期日約了雙方家長見面，簡直是災難性的...

毫無起承轉合，一埋位就開始傾terms and conditions。

原來，養到個女咁大，要將佢「撥出去」，只需要幾百張奇華餅咭及幾百張美心餅咭。不過，合約內當然仲有好多細隻到睇唔到的條件，總知萬事都要識做啦。

講到擇日，真係唔講你唔知，原來唔可以撞重陽、清明、鬼節、父母及自己的生日月份，是整個月都不可以選。這樣，數數手指... 一年只有四個月ok... 但每個月只有四個星期六，而其中有大部份都是「忌嫁娶」。這不是很荒謬嗎?

我開始體會世界性的婆媳矛盾，真的很可怕。