購物狂與推銷王

正當特首及司長們努力推廣銷費，我卻因為銀根短缺，被迫退下這個殺戮戰場。以往的我，遇上任何推銷技巧既sell屎，絕對會乖乖遞上我的信用卡。這回，推銷王遇上了堅決駛少D錢既購物狂...

「我想買這盒胭脂」
1.不如你睇下我地出既set呀，好低架，有3支唇膏同埋眼影，係限量版黎架... (個set都無胭脂...)
2. 咁不如你睇下呢盒胭脂呀，有三隻色，仲加入綠茶、cotton同埋米既精華，又可以做光影，又可以打陰影，又可以溝色...(但係無我想買個隻胭脂既顏色wor...)

「我都係只想買這盒胭脂」
3. 盒胭脂二百幾，買滿一千蚊可以join member wor，不如買埋我地隻皇牌粉底呀，好貼面架，好natural，好多明星用架... (要買多八百蚊wor，又唔係差一百幾十蚊，咁快就sell membership?!)

「我都係只想買這盒胭脂」
4. 咁你不如買我地隻皇牌Make up base呀，成日斷貨，好多明星用架... (又係明星...)
5. 咁你不如要我地套化妝掃呀，有胭脂掃、唇掃、眼影掃、眉掃...，都係六百幾 (成set掃有80%我都唔識用...)

「我都話只想買這盒胭脂...」
6. 會唔會買多少少野呀，買夠五百蚊，有利是封送wor...


我這單交易真的有那麼重要嗎，值得sell屎先生如此大費唇舌?