做個隱形人

唔想日日做到無停手，嘗試學學隱身術，令老闆看不到你之餘，又不致在金融海嘯當下，被大浪捲走。

別以為我在吹牛，大家環顧身邊的同事，會否發覺有一些人，總係唔多覺眼，甚至可能誇張到，病假放左一個星期，先開始有人討論：「咦，阿邊個邊個係唔係病左呀…」他可以準時收工之餘，又唔多assignment。老闆不論是否處於緊張關頭，根本唔會想起有這位員工的存在，就算各人手忙腳亂，甩晒轆，都唔會有人想到要找這位員工返來加班。他們不知在何處覓得靈丹妙藥，可以做到在老闆心目中隱形，但公司要裁員時，又不會被處決掉。

如何學得這個奇技，至今，仍然係一個「迷」。

面對這些隱形同事，凡交托他們的工作，他們通常都會在臨放工前五分鐘叮個email俾你，到你睇完之後，有什麼想修改，你會發現，他已被上哈利波特隱形斗篷，靜悄悄的走了。

還是自己執手尾，繼續做到無停手。

世界不變定律：能者多勞，多勞多得，多得的就是更多的勞。